rashatairehcc

Welcome to Rasha Taireh Consulting Center

بشتغل من مونتريال-كندا عبر الإنترنت لكل أنحاء العالم تقريباً مع الأشخاص يلي بيحبوا تلقي الخدمات باللغة العربية.

ملخص سريع عن مسيرتي المهنية:

خريجة علم النفس العيادي من الجامعة اللبنانية - كسارة سنة 2008 واشتغلت بسوريا مع الناجيين من العنف الأسري والناجيين من الحربين العراقية والسورية وحالات تانية متنوعة من خلال العمل مع منظمة راهبات الراعي الصالح ومنظمات تانية بالإضافة لممارسة عملي بعيادتي الخاصة.

نسقت ونفذت عدة تدريبات بتخص مجال الدعم النفسي الاجتماعي، وكمان اشتغلت بإدارة وتنسيق مشاريع دعم نفسي اجتماعي خلال الحرب بسوريا. ومن لما جيت على كندا تطوعت واشتغلت بمساعدة القادمين الجدد على عدة أصعدة لحتى يسهل عليهم الاندماج والتأقلم بالمجتمع الكندي.
وحالياً، من سنة 2016 بقدم خدمات مشروعي بنفس الاحترافية العالية للأشخاص بمدينة مونتريال باللقاء الشخصي أو عبر الإنترنت لأي مكان بالعالم، ونسبة كبيرة منهم قدروا يتخطوا الصعوبات يلي كانوا عم يواجهوها بوقت قياسي.

بيسعدني تحجزوا الموعد يلي بيناسبكم من الجدول التالي مباشرة، آخدين بعين الاعتبار سياستي لتقديم الخدمات:

التواصل أونلاين على المسنجر أو أي تطبيق مناسب إلكم.
يفضل استعمال الفيديو أو الصوت على الأقل ولكن بعتذر عن التواصل بالكتابة لصعوبته. وأنوه أنه ما بيتم عمل أي تسجيل للجلسات.
بحال الاضطرار للاعتذار يا ريت يتم إخباري قبل 24 ساعة على الأقل، أو رح أضطر لتسجيل نصف قيمة أجور الجلسة وكأنها نفذت.
بعد حجز موعد الجلسة الأولى يا ريت تتواصلوا معي لنتفق على الوسائل المفضلة للتواصل وتسديد الأجور.
أجور الجلسات المسجلة بالجدول هي بالدولار الكندي بس فيكم تدفعوها أو تحولوها حسب عملة البلد المقيمين فيه: 45 CAD للجلسة الأولى و70 CAD لكل جلسة من الجلسات التالية.
الأجور الخاصة للأشخاص الساكنين في سوريا: 4.5 $ للجلسة الأولى و7 $ لكل جلسة من الجلسات التالية.
في حال كان مدخولكم ضعيف تواصلوا معي، ممكن نتفق على تعديل أجور الجلسات لتناسب قدرتكم.

Google Sites

Report abuse