بشتغل من مونتريال-كندا عبر الإنترنت لكل أنحاء العالم تقريباً مع الأشخاص يلي بيحبوا تلقي الخدمات باللغة العربية.
ملخص سريع عن مسيرتي المهنية:
خريجة علم النفس العيادي من الجامعة اللبنانية - كسارة سنة 2008 واشتغلت بسوريا مع الناجيين من العنف الأسري والناجيين من الحربين العراقية والسورية وحالات تانية متنوعة من خلال العمل مع منظمة راهبات الراعي الصالح ومنظمات تانية بالإضافة لممارسة عملي بعيادتي الخاصة.
نسقت ونفذت عدة تدريبات بتخص مجال الدعم النفسي الاجتماعي، وكمان اشتغلت بإدارة وتنسيق مشاريع دعم نفسي اجتماعي خلال الحرب بسوريا. ومن لما جيت على كندا تطوعت واشتغلت بمساعدة القادمين الجدد على عدة أصعدة لحتى يسهل عليهم الاندماج والتأقلم بالمجتمع الكندي، وبنفس الوقت كملت المرافقة لعدد من الأشخاص من سوريا والعالم على الإنترنت وبمدينة مونتريال باللقاء الشخصي، ونسبة كبيرة منهم قدروا يتخطوا بوقت قياسي نسبياً الصعوبات يلي كانوا عم يواجهوها.
وحالياً بقدم خدمات مشروعي للأشخاص من أي مكان بالعالم بنفس الاحترافية العالية، لكن ما رح قدم خدمة علاج الاضطرابات النفسية.